Almaty politsiiasy «Zheka_Fatbelly» laqap atymen tanymal bolǵan vainerdi tótenshe jaǵdai rejimin buzǵany úshin ákimshilik jazaǵa tartty, dep habarlaidy "Ult aqparat".
Almaty politsiiasy tótenshe jáne karantindik rejimderdi saqtaý aiasynda áleýmettik jelige monitoring júrgizgen.
«Tájiribe kórsetkendei, keibir vainerler, blogerler jáne jeliniń belsendi qoldanýshylary karantindi buzǵan. Sonymen qatar, olar muny kópshilikke jariia jasaǵan. Osylaisha, olar zańdar men qaýipsizdik sharalaryna elemegin. Eger olardyń árqaisysynyń úlken aýditoriiasy bar ekenin eskeretin bolsaq, «jaman ádet» basqalarǵa da úlgi bolýy múmkin», - deidi, Almaty qalalyq PD Jergilikti politsiia qyzmeti basqarmasynyń bastyǵy Manap Sattarov.
Olardyń biri - jelide «Zheka_Fatbelly» laqap atymen tanymal Jeńis Omarov.
Ol QR ÁQbK-niń 476-baby boiynsha ákimshilik jaýapkershilikke tartyldy. Oǵan sot sheshimimen 10 AEK mólsherinde aiyppul salyndy.
«Qurmetti qazaqstandyqtar! Men, 2020 jyldyń 20 sáýirinde tótenshe jaǵdai, karantin rejimin buzdym. Men dosymdy úige kirgizdim, ol maǵan shash úlgisin jasady. Men ony beinekameraǵa túsirip, ǵalamtorǵa salyp jiberdim. Men óz kinámdi moiyndaimyn. Karantin rejimin saqtaýyńyzdy suraimyn», – dep keshirim surady Jeńis Omarov.
Eske sala ketsek, munyń aldynda belgili ánshi Arman Qońyrbaev ta karantin rejimin buzǵany úshin jaýapkershilikke tartylǵan bolatyn.
