Almatynyń kriminaldyq politsiia qyzmetkerleri LA-155/18 mekemesinen qashyp ketken qylmyskerdi ustady, - dep habarlaidy Polisia.kz.
"Kriminaldyq politsiia basqarmasy men Túriksib aýdandyq PB-na qarasty politsiia bóliminiń qyzmetkerlerimen júrgizilgen jedel-izdestirý is-sharalary barysynda qashqyn Qarasý yqsham aýdanyndaǵy Soltústik ainalma kóshesi boiynda ustaldy jáne ýaqytsha ustaý izoliatoryna qamaldy. Qashý deregi sotqa deiingi tergeýdiń biryńǵai tizilimine QR QK-niń 426-baby 1-bóligi boiynsha tirkeldi", – dedi Almaty qalasy Politsiia departamentiniń bastyǵy Arystanǵani Zapparov.
Aita keteiik, ol osy jyldyń qyrkúiek aiynda Jambyl oblysynyń qylmystyq ister jónindegi mamandandyrylǵan aýdanaralyq sotynyń úkimimen adam óltirý deregi boiynsha 10 jylǵa sottalǵan.
Qashý deregi boiynsha IIM Ózindik qaýipsizdik departamenti qyzmetkerlerge qatysty tekserý júrgizip jatyr.
