«Adam quqyqtary jónindegi hartiia» qoǵamdyq qorynyń basshysy, Ulttyq qoǵamdyq senim keńesiniń múshesi Jemis Turmaǵambetova jappai tártipsizdik kezinde Almatynyń tergeý izoliatoryna qansha adam jetkizilgenin aitty, dep habarlaidy QazAqparat.
«13 qańtar kúni úilestirý keńesi Adam quqyqtary jónindegi ýákilmen birge 18-shi tergeý izoliatoryna jáne Almatydaǵy ýaqytsha ustaý izoliatoryna bardy. Qazir ulttyq aldyn alý tetiginiń toptary basqa 11 óńirdegi arnaiy mekemeler men tergeý izoliatorlaryna sapar shegýde. Aldaǵy kúnderi bul top taǵy 5 óńirde bolady. Qoǵam belsendileri 34-ten astam mekemege baryp úlgerdi», - dedi J. Turmaǵambetova Ortalyq kommýnikatsiialar qyzmetinde ótken baspasóz máslihatynda.
Mysaly, Almatyda 2022 jyldyń 5 qańtarynan 13 qańtardyń birinshi jartysyna deiin 18-shi tergeý izoliatoryna 77 adam jetkizilgen.
«Sol kúni prokýrordyń narazylyǵy boiynsha 53 adam tergeý izoliatorynan bosatyldy. Dárigerler, sonyń ishinde №7 qalalyq klinikalyq aýrýhana mamandary ustalǵandardy teksergen jáne 68-ine diagnoz qoiyp, tiisti em taǵaiyndap, usynystar bergen», - dedi Jemis Turmaǵambetova.
Sondai-aq spiker ustalǵandardyń 90 paiyzǵa jýyǵy QR Qylmystyq kodeksiniń 188-baby 3-bóligi boiynsha – Urlyq (maroderlik) úshin ustalǵanyn atap ótti.
