«ادام قۇقىقتارى جٶنٸندەگٸ حارتييا» قوعامدىق قورىنىڭ باسشىسى, ۇلتتىق قوعامدىق سەنٸم كەڭەسٸنٸڭ مٷشەسٸ جەمٸس تۇرماعامبەتوۆا جاپپاي تەرتٸپسٸزدٸك كەزٸندە الماتىنىڭ تەرگەۋ يزولياتورىنا قانشا ادام جەتكٸزٸلگەنٸن ايتتى, دەپ حابارلايدى قازاقپارات.
«13 قاڭتار كٷنٸ ٷيلەستٸرۋ كەڭەسٸ ادام قۇقىقتارى جٶنٸندەگٸ ۋەكٸلمەن بٸرگە 18-شٸ تەرگەۋ يزولياتورىنا جەنە الماتىداعى ۋاقىتشا ۇستاۋ يزولياتورىنا باردى. قازٸر ۇلتتىق الدىن الۋ تەتٸگٸنٸڭ توپتارى باسقا 11 ٶڭٸردەگٸ ارنايى مەكەمەلەر مەن تەرگەۋ يزولياتورلارىنا ساپار شەگۋدە. الداعى كٷندەرٸ بۇل توپ تاعى 5 ٶڭٸردە بولادى. قوعام بەلسەندٸلەرٸ 34-تەن استام مەكەمەگە بارىپ ٷلگەردٸ», - دەدٸ ج. تۇرماعامبەتوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مىسالى, الماتىدا 2022 جىلدىڭ 5 قاڭتارىنان 13 قاڭتاردىڭ بٸرٸنشٸ جارتىسىنا دەيٸن 18-شٸ تەرگەۋ يزولياتورىنا 77 ادام جەتكٸزٸلگەن.
«سول كٷنٸ پروكۋروردىڭ نارازىلىعى بويىنشا 53 ادام تەرگەۋ يزولياتورىنان بوساتىلدى. دەرٸگەرلەر, سونىڭ ٸشٸندە №7 قالالىق كلينيكالىق اۋرۋحانا ماماندارى ۇستالعانداردى تەكسەرگەن جەنە 68-ٸنە دياگنوز قويىپ, تيٸستٸ ەم تاعايىنداپ, ۇسىنىستار بەرگەن», - دەدٸ جەمٸس تۇرماعامبەتوۆا.
سونداي-اق سپيكەر ۇستالعانداردىڭ 90 پايىزعا جۋىعى قر قىلمىستىق كودەكسٸنٸڭ 188-بابى 3-بٶلٸگٸ بويىنشا – ۇرلىق (مارودەرلٸك) ٷشٸن ۇستالعانىن اتاپ ٶتتٸ.
