lmatyda jumys istemeitin tehnikalyq qyzmet kórsetý stantsiiasynda órt boldy, dep habarlaidy "Ult aqparat".
Almaty qalasynyń TJD baspasóz qyzmeti habarlaǵandai, 21 shilde kúni saǵat 11:33-te «101» pýltine Naýryzbai aýdany Raiymbek dańǵyly 548/2 mekenjaiynda jumys istemeitin tehnikalyq qyzmet kórsetý órt shyqqany týraly habarlama kelip túsken.
Birinshi bólimsheler kelgende jalpy aýdany 220 sharshy metr bolatyn bir qabatty bos ǵimarattyń shatyry janyp jatqan. Kúshter men quraldar shaqyrý dárejesi boiynsha tartyldy. Órt ornynda shtab qurylyp, batys jáne ońtústik-shyǵys jaǵynan eki órt sóndirý ýchaskesi uiymdastyryldy.
«Sýmen jabdyqtaý kózderiniń qashyqtyǵyna bailanysty órt sóndirý avtopoiyzy iske qosyldy, magistraldyq jeliler tartylyp, osylaisha úzdiksiz sýmen jabdyqtaý qamtamasyz etildi. Órtti sóndirý kóp qabatty shatyrdyń qurylymdyq erekshelikterimen kúrdelene tústi: beton plitasynyń ústine taýshaiyrly mastikasy tóseldi, onyń ústine aǵash jáshikke metall shifer ornatyldy. Órt sóndirýshiler shatyrdy apattyq-qutqarý quraldarymen ashty, eki órt avtosaty iske qosyldy. Órt bir saǵat ishinde 12:39-da aýyzdyqtaldy, 12:47-de sóndirildi, qurylymdardy bólshektelip jatyr. Qabyldanǵan sharalar arqyly kórshiles turǵan eki boksty qorǵaýǵa múmkindik týdy», - dep atap ótti TJD.
Órtti sóndirýge 12 tehnika men jeke quramnyń 40-tan astam adamy tartyldy. Zardap shekkender joq.
