Almatyda tegin muz aidyny alańdary ashyldy. Bul týraly qala ákimi Baqytjan Saǵyntaev Instagram paraqshasynda jazdy, dep habarlaidy "Ult aqparat".
«Almatylyqtar Tuńǵysh Prezident saiabaǵynda, 28 gvardiiashy-panfilovshylar atyndaǵy saiabaq pen Naýryzbai aýdany ákimdiginiń aldynda ashylǵan tegin muz aidyndarynda boldy. Muz arnaiy salqyndatqysh mashinalardyń kómegimen qalpyn saqtap turmaq. Sol sebepti Almatynyń qubylmaly aýa raiy muzdyń erip ketýine kedergi keltirmeidi. Syrǵanaý alańdary 10 naýryzǵa deiin jumys isteitin bolady. Muz aidynynda saǵat 10:30-dan 23-00-ge deiin jalǵa berý pýnktteri jumys isteidi», - dedi qala basshysy.
Ákimniń aitýynsha, jaqynda Túrksib aýdanyndaǵy «MART» saýda úiiniń aldynda taǵy bir muz aidyny ashylady. Syrǵanaý alańdarynyń jalpy aýmaǵy shamamen 12 myń sharshy metr bolmaq. Bul — Medeý muz aidynyndaǵy muzdyń betine qaraǵanda 1,5 myń sharshy metrge artyq.
«Kóp ýaqytyńyzdy balalar men otbasyńyzǵa, dostaryńyzben jaqyndaryńyzǵa bólgenińiz abzal. Ainalańyzǵa kóńildi kóńil-kúi syilai bilińiz. Jańa jyldyq kóńil-kúi kóterińki bolsyn!», - dep jazdy qala basshysy.
