الماتىدا تەگٸن مۇز ايدىنى الاڭدارى اشىلدى. بۇل تۋرالى قالا ەكٸمٸ باقىتجان ساعىنتاەۆ Instagram پاراقشاسىندا جازدى, دەپ حابارلايدى "ۇلت اقپارات".
«الماتىلىقتار تۇڭعىش پرەزيدەنت ساياباعىندا, 28 گۆارديياشى-پانفيلوۆشىلار اتىنداعى ساياباق پەن ناۋرىزباي اۋدانى ەكٸمدٸگٸنٸڭ الدىندا اشىلعان تەگٸن مۇز ايدىندارىندا بولدى. مۇز ارنايى سالقىنداتقىش ماشينالاردىڭ كٶمەگٸمەن قالپىن ساقتاپ تۇرماق. سول سەبەپتٸ الماتىنىڭ قۇبىلمالى اۋا رايى مۇزدىڭ ەرٸپ كەتۋٸنە كەدەرگٸ كەلتٸرمەيدٸ. سىرعاناۋ الاڭدارى 10 ناۋرىزعا دەيٸن جۇمىس ٸستەيتٸن بولادى. مۇز ايدىنىندا ساعات 10:30-دان 23-00-گە دەيٸن جالعا بەرۋ پۋنكتتەرٸ جۇمىس ٸستەيدٸ», - دەدٸ قالا باسشىسى.
ەكٸمنٸڭ ايتۋىنشا, جاقىندا تٷركسٸب اۋدانىنداعى «MART» ساۋدا ٷيٸنٸڭ الدىندا تاعى بٸر مۇز ايدىنى اشىلادى. سىرعاناۋ الاڭدارىنىڭ جالپى اۋماعى شامامەن 12 مىڭ شارشى مەتر بولماق. بۇل — مەدەۋ مۇز ايدىنىنداعى مۇزدىڭ بەتٸنە قاراعاندا 1,5 مىڭ شارشى مەترگە ارتىق.
«كٶپ ۋاقىتىڭىزدى بالالار مەن وتباسىڭىزعا, دوستارىڭىزبەن جاقىندارىڭىزعا بٶلگەنٸڭٸز ابزال. اينالاڭىزعا كٶڭٸلدٸ كٶڭٸل-كٷي سىيلاي بٸلٸڭٸز. جاڭا جىلدىق كٶڭٸل-كٷي كٶتەرٸڭكٸ بولسىن!», - دەپ جازدى قالا باسشىسى.
