Almatydaǵy kásiporyndar men uiymdardyń ákimshiligi qalada qardy der kezinde tazalamaǵandyqtan, 131 ereje buzýshylyq jasaǵan. Politseiler 808 ereje buzýshylyq deregin anyqtady. Olarǵa 6,744 million teńge kóleminde aiyppul salyndy, - dep habarlaidy kaz.tengrinews.kz tilshisi Almaty qalalyq IID baspasóz qyzmetine silteme jasap.
Ereje buzǵan zańdy tulǵalarǵa 30 ailyq kórsetkish kóleminde (63 630 teńge) aiyppul salynatyny aitylady. "Sondai-aq, shamamen 1100 uiymǵa eskertý jasaldy. Olardyń jumystary baqylaýǵa alyndy", - dedi jergilikti politsiia ókilderi.
Sondai-aq, jergilikti politseilerdiń aitýynsha, tekserý sharalary áli de jalǵasady. "Biz júrgizgen tekserý jumystary qaladaǵy mekemelerdiń, kásiporyndardyń, uiymdardyń barlyǵynyń qar tazalaý jumystarymen ainalyspaitynyn kórsetti. Ýchaskelik politsiia inspektorlary men Tabiǵi ortany qorǵaý politseilerimen birige otyryp, tekserý jumystary áli de júrgiziletin bolady", - dedi Almaty qalalyq jergilikti politsiia qyzmetiniń basshysy Jasulan Baikenov.
