الماتىداعى كەسٸپورىندار مەن ۇيىمداردىڭ ەكٸمشٸلٸگٸ قالادا قاردى دەر كەزٸندە تازالاماعاندىقتان, 131 ەرەجە بۇزۋشىلىق جاساعان. پوليتسەيلەر 808 ەرەجە بۇزۋشىلىق دەرەگٸن انىقتادى. ولارعا 6,744 ميلليون تەڭگە كٶلەمٸندە ايىپپۇل سالىندى, - دەپ حابارلايدى kaz.tengrinews.kz تٸلشٸسٸ الماتى قالالىق ٸٸد باسپاسٶز قىزمەتٸنە سٸلتەمە جاساپ.
ەرەجە بۇزعان زاڭدى تۇلعالارعا 30 ايلىق كٶرسەتكٸش كٶلەمٸندە (63 630 تەڭگە) ايىپپۇل سالىناتىنى ايتىلادى. "سونداي-اق, شامامەن 1100 ۇيىمعا ەسكەرتۋ جاسالدى. ولاردىڭ جۇمىستارى باقىلاۋعا الىندى", - دەدٸ جەرگٸلٸكتٸ پوليتسييا ٶكٸلدەرٸ.
سونداي-اق, جەرگٸلٸكتٸ پوليتسەيلەردٸڭ ايتۋىنشا, تەكسەرۋ شارالارى ەلٸ دە جالعاسادى. "بٸز جٷرگٸزگەن تەكسەرۋ جۇمىستارى قالاداعى مەكەمەلەردٸڭ, كەسٸپورىنداردىڭ, ۇيىمداردىڭ بارلىعىنىڭ قار تازالاۋ جۇمىستارىمەن اينالىسپايتىنىن كٶرسەتتٸ. ۋچاسكەلٸك پوليتسييا ينسپەكتورلارى مەن تابيعي ورتانى قورعاۋ پوليتسەيلەرٸمەن بٸرٸگە وتىرىپ, تەكسەرۋ جۇمىستارى ەلٸ دە جٷرگٸزٸلەتٸن بولادى", - دەدٸ الماتى قالالىق جەرگٸلٸكتٸ پوليتسييا قىزمەتٸنٸڭ باسشىسى جاسۇلان بايكەنوۆ.
