Úlken Almaty kóliniń mańyna serýenge shyǵyp joǵalyp ketken týrist qyzdy izdestirý sharalary toqtatyldy, dep habarlaidy "Ult aqparat".
«Keshe týystary habarlasyp, qyzdy izdeýdi toqtatýdy ótindi. Sebebin bilmeimiz. Qyz tabylǵan bolýy múmkin», - dedi QR IIM TJK Respýblikalyq qutqarý jasaǵynyń baspasóz qyzmetinen.
Aita ketý kerek, boijetkenniń joǵalyp ketkenin aityp týystary 10 qarasha kúni keshke dabyl qaqqan. Olard yń sózinshe, qyz sońǵy ýaqytta taý týrizmimen ainalysyp júrgen.
9 qarasha saǵat 13:00 shamasynda ol Úlken Almaty kólinde túsken fotosyn áleýmettik jelige jariialaǵan. Odan keiin bailanysqa shyqpaǵan.
Habarlamadan soń qutqarý jasaǵy aýa raiynyń qolaisyzdyǵyna, túk kórinbeitin qarańǵylyqqa qaramastan túnimen izdedi.
Izdeý sharalaryna, sonymen qatar, 11 adamnan turatyn kinologiialyq quram jumyldyryldy.
