ٷلكەن الماتى كٶلٸنٸڭ ماڭىنا سەرۋەنگە شىعىپ جوعالىپ كەتكەن تۋريست قىزدى ٸزدەستٸرۋ شارالارى توقتاتىلدى, دەپ حابارلايدى "ۇلت اقپارات".
«كەشە تۋىستارى حابارلاسىپ, قىزدى ٸزدەۋدٸ توقتاتۋدى ٶتٸندٸ. سەبەبٸن بٸلمەيمٸز. قىز تابىلعان بولۋى مٷمكٸن», - دەدٸ قر ٸٸم تجك رەسپۋبليكالىق قۇتقارۋ جاساعىنىڭ باسپاسٶز قىزمەتٸنەن.
ايتا كەتۋ كەرەك, بويجەتكەننٸڭ جوعالىپ كەتكەنٸن ايتىپ تۋىستارى 10 قاراشا كٷنٸ كەشكە دابىل قاققان. ولارد ىڭ سٶزٸنشە, قىز سوڭعى ۋاقىتتا تاۋ تۋريزمٸمەن اينالىسىپ جٷرگەن.
9 قاراشا ساعات 13:00 شاماسىندا ول ٷلكەن الماتى كٶلٸندە تٷسكەن فوتوسىن ەلەۋمەتتٸك جەلٸگە جارييالاعان. ودان كەيٸن بايلانىسقا شىقپاعان.
حابارلامادان سوڭ قۇتقارۋ جاساعى اۋا رايىنىڭ قولايسىزدىعىنا, تٷك كٶرٸنبەيتٸن قاراڭعىلىققا قاراماستان تٷنٸمەن ٸزدەدٸ.
ٸزدەۋ شارالارىنا, سونىمەن قاتار, 11 ادامنان تۇراتىن كينولوگييالىق قۇرام جۇمىلدىرىلدى.
