Almatyda taýda joǵalyp ketken týrist qyz Ásel Panarǵalieva áli tabylmai jatyr. Qutqarýshylar boijetkendi bir aptadan beri izdep jatyr, dep habarlaidy "Ult aqparat".
«Ókinishke orai, áli tabylmady. Izdeý jumystaryn jalǵastyryp jatyrmyz», - dedi QR IIM TJK Respýblikalyq jedel qutqarý jasaǵy baspasóz qyzmeti.
Eske salaiyq, boijetkenniń joǵalǵany týraly 10 qarasha kúni belgili boldy. Ol taý týrizmmen ainalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jariialaǵan.
Odan keiin bailanysqa shyqpaǵan. Buǵan deiin júrgizilgen izdestirý jumystary qyzdyń týystarynyń ótinishi boiynsha toqtatylǵan bolatyn.
Biraq keiin Á.Panarǵalievanyń jaqyndary izdestirýdi jalǵastyrýdy qaita surady.
Sonymen qatar, qyzdy izdestirýge alpinister de jumyldyryldy.
Munyń aldynda Kosmostantsiia aýdanynda 9 qarashada saǵat 13:00-der shamasynda qyzdyń taýdan túsip kele jatqanyn adamdar kórgen. Odan keiin politsiia qyzdyń telefony arqyly qalanyń ár buryshynan telefon qońyraýlary jasalǵanyn anyqtady.
