2025 jylǵy 19 aqpanda saǵat 09:30 - da Almaty qalasyndaǵy «Qazaqstan» qonaq úiinde (Dostyq dańǵyly, 52/2) IýNESKO qaýymdastyqtary men klýbtarynyń Birinshi Jahandyq Jastar Forýmy (GYF) ótedi. Bul Forým álemniń 60-qa jýyq elinen 150-den astam qatysýshyny biriktiredi.
Forýmdy IýNESKO jáne Dúniejúzilik IýNESKO klýbtary men qaýymdastyqtarynyń Federatsiiasy (WFUCA), Qazaqstandyq Ulttyq IýNESKO klýbtarynyń Federatsiiasynyń, Qazaqstan jáne Frantsiia IýNESKO isteri jónindegi Ulttyq komissiialarynyń, sondai-aq QR Syrtqy ister ministrliginiń, QR Mádeniet jáne aqparat ministrliginiń jáne Almaty qalasy ákimdiginiń qoldaýymen uiymdastyrylady.
Eki kún boiy IýNESKO klýbtary men qaýymdastyqtarynyń ókilderi, sondai-aq úkimettik, akademiialyq jáne biznes salasynyń mamandary, sonyń ishinde IýNESKO sarapshylary áleýetti arttyrý, jastardyń quqyqtary men múmkindikterin keńeitý, jasandy intellektini paidalaný etikasy, tsifrlyq tehnologiialardy qoldaný, turaqty týrizm, klimattyń ózgerýi, inkliýziia jáne kórkem bilim máselelerin talqylaidy.
Is-shara aiasynda Qazaqstanǵa IýNESKO-nyń izgi niet elshisi H. Abbin, jasandy intellekt salasyndaǵy álemdik jetekshi professor D-r V. Holms, Dúniejúzilik IýNESKO klýbtary men qaýymdastyqtarynyń Federatsiiasynyń Atqarýshy keńesiniń músheleri jáne basqa da tulǵalar arnaiy joǵary mártebeli qonaqtar retinde keledi.
Forýmnyń basty nátijesi – «2025-2030 jyldarǵa arnalǵan IýNESKO qaýymdastyqtary men klýbtary jastarynyń jol kartasy: turaqty bolashaqty birge qurý» qabyldaý bolmaq. Bul qujat 94 eldegi 5 000-nan astam uiymdy qamtityn qozǵalystyń strategiialyq damý baǵyttaryn anyqtap, jastardyń múmkindikterin keńeitedi jáne IýNESKO klýbtarynyń kóshbasshylar jelisin nyǵaitady.
Bul bastamany sonymen qatar «Karachaganak Petroleum Operating B.V.» kompaniiasy, Bank TsentrKredit, «Qazaqstan» qonaqúii, Doscar kompaniialar toby jáne «Shymbulaq» taý-shańǵy kýrorty qoldady.
