Almatyda tapansha ustap júrgen er adamnyń kim ekeni anyqtaldy, dep habarlaidy "Ult aqparat".
Qolyna tapansha ustaǵan er adamnyń videosy áleýmettik jelilerde paida boldy. Beinejazbada onyń Úlken Almaty kanaly, Soltústik ainalma jolynyń aýmaǵynda túsirilgeni aitylǵan.
Qalalyq Politsiia departamentiniń málimetinshe, Alataý aýdandyq politsiia basqarmasynyń qyzmetkerleri videodaǵy er adamnyń kim ekenin birden anyqtady. Ol 1992 jyly týǵan Sh. esimdi azamat. Ol buzaqy retinde politsiia esebinde turǵan jáne ishimdikke salynǵan.
«Tekseris barysynda kúdiktiniń qolynda oiynshyq tapansha bolǵany anyqtaldy. Sondai-aq, Sh. esimdi azamatty videoǵa túsirip jatqan kezde ol mas bolǵan. Onymen quqyqtyq túsindirý jumystary júrgizildi», - dep túsindirdi Almaty qalasy Politsiia departamentiniń baspasóz qyzmeti.
