Eki jas jigit toqtatqan taksidiń ishindegi jolaýshylardy da, júrgizýshini de tonaý arqyly ońai olja taýyp kelgen, dep habarlaidy QazAqparat tilshisi qalalyq IID baspasóz qyzmetine silteme jasap.
Olar mejeli jerine jetkenshe salondaǵy uialy telefondar men ámiiandardy urlap otyrǵan.
«Kúdiktiler negizinen 200-300 teńge tólep, az qashyqtyqqa otyratyn bolǵan. Osy ýaqyt aralyǵynda salondaǵy barlyq múlikti alyp ketip otyrǵan. Kei kúnderi jumysqa jalǵyz shyqsa, eki kúnderi jubymen shyǵyp otyrǵan. Urlaǵan zattaryn lombardqa ótkizgen, al aqshany óz maqsattaryna jumsaǵan», - deidi Almaly aýdandyq IIB basshysy Daniiar Mendebaev.
Politsiia urylardy arnaiy operatsiia arqyly ustaǵan.
Olardyń biri - 21 jastaǵy Almaty oblysynyń týmasy bolsa, ekinshisi - 19 jastaǵy Almaty turǵyny.
«Úlkeni buryn da kisi múlkin urlaǵany úshin isti bolǵan. Tek Almaly aýdanynyń ózinde osyǵan uqsas 10 qylmystyq epizodqa qatysy bar ekeni anyqtaldy. Basqa da qylmystarǵa qatysy tekserilip jatyr», - dedi podpolkovnik Mendebaev.
