Áleýmettik infraqurylymdy modernizatsiialaý jóninde árbir meditsina uiymdary men aýdandar boiynsha 3 jyldyq jospar ázirlendi, – dep habarlaidy Baq.kz.
Bul týraly Almaty qalasynyń ákimi elordada ótken baspasóz máslihatynda aitty.
MJÁ qaǵidasy boiynsha mektep salýdyń baǵdarlamasy jasaldy. 2020-2020 jyldary jeke investitsiia esebinen 2240 oryndy 4 mektep, 8 myń oryndy 300 balabaqsha ashý josparlanǵan. Osylaisha, bul sharalar eki aýysymda oqytatyn mektepterdegi tapshylyqty 30 myń orynǵa, al balabaqshalardaǵy kezekti 10 myń orynǵa azaitýǵa múmkindik beredi, - dedi megapolis basshysy.
Onyń sózine qaraǵanda, prezident tapsyrmasy boiynsha Almaty qalasynda videomonitoring júiesi engizilýde.
Taiaý ýaqytta "Sergek" videofiksatsiia júiesiniń 707 posty ornatylady. Jalpy, politsiianyń materialdyq-tehnikalyq jaraqtanýy elimiz boiynsha óte joǵary – 87%. Qaýipsizdik sharalaryn kúsheitý qylmys sanyn 10,2%-ǵa qysqartýǵa jáne qylmystyń ashylýyn 26-dan 30%-ǵa arttyrýǵa yqpal etti, - deidi Baqytjan Saǵyntaev.
Sonymen birge, Almaty ákimi bolashaqta atqarylatyn jumys josparlary týraly habardar etti.
Almatylyqtardyń 2/3 qamtylǵan ShOB damytý úshin kásipkerkerlikti damytýdyń "Almaty Biznes-2025" jańa biryńǵai óńirlik baǵdarlamasy ázirlendi. 2020 jyldan bastap qarjylyq qoldaý kólemin 4,5 mlrd teńgeden 30 mlrd teńgege deiin ulǵaitý josparlanǵan, - deidi ol.
Shahar basshysynyń sózinshe, reformalar kóterme jáne bólshek saýdany qoldaýǵa baǵyttalady (qala ekonomikasyndaǵy úlesi - 30%), ásirese taýarlar men jańa tehnologiialar býyny qyzmetteriniń sektoryna.
Buǵan deiin Almaty ákimi Baqytjan Saǵyntaev qalany aýyzsýmen tolyq qamtý 2023 jyly aiaqtalatynyn málimdegen bolatyn.
