Almatyda intimdik qyzmet kórsetken taǵy bir jezóksheler úii anyqtaldy, - dep habarlaidy "Ult aqparat" Polisia.kz portalyna silteme jasap.
"Stop-trafik" jedel-profilaktikalyq is-sharasy barysynda politsiia qyzmetkerleri Almaty qalasynyń Medeý aýdanynda ornalasqan bodi-massaj salonyn anyqtady. Úsh qabatty kottedjde 15 bólme men saýna bar. Mekemedegi jumys barysyn eki ákimshi baqylap otyrǵan.
"Ákimshiler men salonda massajist bolyp jumys isteitin taǵy 20 qyz ustaldy. Olardyń jasy 20-28 jas aralyǵynda. Bul mekemeniń "qyzmetkerleri" Qazaqstannyń basqa aimaqtarynan kelgender. Olardyń jeke basy, basqa qylmysqa qatysy bar-joǵyna tekserilip jatyr. Medeý aýdandyq politsiia Basqarmasymen QR ÁQbK-niń 450-babyna sáikes ákimshilik is materialdary jinaqtaldy. Kórsetilgen salonnyń iesi de anyqtaldy - ol 34 jastaǵy J.esimdi azamat. Ol da jaýapqa tartyldy", - dedi Almaty qalalyq PD Uiymdasqan qylmysqa qarsy kúres basqarmasynyń bastyǵy Janat Nurǵaliev.
