الماتىدا ينتيمدٸك قىزمەت كٶرسەتكەن تاعى بٸر جەزٶكشەلەر ٷيٸ انىقتالدى, - دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"Stop-ترافيك" جەدەل-پروفيلاكتيكالىق ٸس-شاراسى بارىسىندا پوليتسييا قىزمەتكەرلەرٸ الماتى قالاسىنىڭ مەدەۋ اۋدانىندا ورنالاسقان بودي-ماسساج سالونىن انىقتادى. ٷش قاباتتى كوتتەدجدە 15 بٶلمە مەن ساۋنا بار. مەكەمەدەگٸ جۇمىس بارىسىن ەكٸ ەكٸمشٸ باقىلاپ وتىرعان.
"ەكٸمشٸلەر مەن سالوندا ماسساجيست بولىپ جۇمىس ٸستەيتٸن تاعى 20 قىز ۇستالدى. ولاردىڭ جاسى 20-28 جاس ارالىعىندا. بۇل مەكەمەنٸڭ "قىزمەتكەرلەرٸ" قازاقستاننىڭ باسقا ايماقتارىنان كەلگەندەر. ولاردىڭ جەكە باسى, باسقا قىلمىسقا قاتىسى بار-جوعىنا تەكسەرٸلٸپ جاتىر. مەدەۋ اۋداندىق پوليتسييا باسقارماسىمەن قر ەقبك-نٸڭ 450-بابىنا سەيكەس ەكٸمشٸلٸك ٸس ماتەريالدارى جيناقتالدى. كٶرسەتٸلگەن سالوننىڭ يەسٸ دە انىقتالدى - ول 34 جاستاعى ج.ەسٸمدٸ ازامات. ول دا جاۋاپقا تارتىلدى", - دەدٸ الماتى قالالىق پد ۇيىمداسقان قىلمىسقا قارسى كٷرەس باسقارماسىنىڭ باستىعى جانات نۇرعاليەۆ.
