Almatyda koronavirýs infektsiiasyn juqtyrýdyń 919 jaǵdaiy tirkeldi, dep habarlaidy "Ult aqparat".
Keshe 43 jańa jaǵdai anyqtaldy. Onyń barlyǵy - virýs juqtyrǵan naýqaspen bailanysta bolǵandar.
Olardyń ishinde eń egdesi - 76 jasta, eń kishkentaiy - 2 jasta.
Búginde koronavirýs infektsiiasynan taǵy 6 patsient saýyǵyp shyqty.
Osyǵan deiin megapoliste 102 adam jazylyp shyqqan.
Onyń biri - 30 naýryzda Ystambul – Kýala-Lýmpýr – Almaty reisimen ushyp kelgen 24 jastaǵy qyz. Ushyp kelgen soń statsionarǵa karantinge ornalastyryldy. Birinshi test teris nátije kórsetken, 10 sáýirdegisi oń nátije kórsetken. Emdeý 18 kún ishinde jeńil ótti.
Ekinshisi - 16 naýryzda krýiz lainerimen kelgen 67 jastaǵy áiel. Kelgen soń karantinde boldy, birinshi test virýsty kórsetpese, 28 naýryzda rastaldy.
Patsienttiń syrqaty aýyr túrde ótti. Ekijaqty polisegmentarly pnevmoniiamen 31 kún emdelgen. Sońǵy ret jasalǵan rentgeninde pnevmoniia tabylmaǵan.
Úshinshisi - №11 qalalyq emhananyń 38 jastaǵy meditsina qyzmetkeri jeńil túrde 17 kún emdelip shyqty.
Tórtinshisi - 26 naýryzda Máskeýden ushyp kelgen 57 jastaǵy áiel. Kelgen soń statsionarǵa karantinge ornalastyryldy. 27 naýryzdaǵy test oń nátije kórsetti. 32 kún ortasha aýyr jaǵdaida sol jaq tómengi úlestik bronh pnevmoniiasynan emdelip shyqty.
Besinshisi - 38 jastaǵy Almaty kópbeiindi klinikalyq aýrýhanasynan aýystyrylǵan áiel. Almaty oblysynyń turǵyny. Syrqaty aýyr ótti. Eki jaqty polisegmentarly pnevmoniiadan 32 kún emdeldi.
Altynshysy - júktiliktiń 6-shy aptasyndaǵy 33 jastaǵy áiel.
Barlyq jazylyp shyqqan patsientter 14 kún úi karantininde bolady.
Qazirgi ýaqytta infektsiialyq statsionarlarda koronavirýstan 809 patsient emdelýde.
Onyń úsheýiniń jai-kúii - asa aýyr, 26 adamda – aýyr, 228 adamda – ortasha aýyr jáne qalǵandarynyń jaǵdaiy birqalypty dep baǵalanyp otyr.
Úsh patsient tynys alýy qiyndaýyna bailanysty ókpeni jasandy jeldetý apparatynda, onyń ekeýi asa aýyr jáne bireýi aýyr halde.
Provizorlyq gospitaldarda 426 adam jatyr, onyń ishinde15-i - bala, karantindik oqshaýlaýda - 304 adam, úi karantininde - 11694 adam bar.
