Almatyda sýburqaqta oinap júrgen balalar men olardy qutqarmaq bolǵan áieldi toq soqty.
Bul týraly qala turǵyny Úkilai Bestai atty jeli qoldanýshy Facebook-tegi paraqshasynda jazdy.
Aitýynsha, qarapaiym fontannyń ishine kirgen adamdardy toq soǵyp, jaqyn mańdaǵy adamdar olardy aman alyp qalǵan.
«Búgin ortalyq tsirk aldyndaǵy fontan janynda balmuzdaq jep, balalarmen demalyp otyrǵanbyz. Bir ýaqytta sol mańdaǵy kishkentai 2 qyz aiaq kiimderin sheship, aiaqtaryn sýǵa salmaqshy bolyp otyrǵanyn kórdim. Áp-sátte baiqamai qaldym, eki qyz ortadaǵy temirge qadalyp qaldy. Olardy shyǵaram dep anasy da sol temirge jabysyp qaldy. Dybystary da shyqpai, sereiip qalǵandarynan toq urǵanyn uqtym», - dep jazdy jeli qoldanýshy.
Ol janyndaǵy adamdardan kómektesýdi suraǵan. Biraq kóbi júreksinip, sýǵa jaqyndamaǵan. Degenmen Abylai esimdi jas jigit kómekke kelip, ony da toq soǵyp jatsa da, moiymai adamdardy sońyna deiin qutqardy.
Zardap shekkender jedel járdemmen aýrýhanaǵa jetkizilgen.
«Ózimniń janymda kishkentai 5 bala bar edi. Qarbalasta Abylaidyń tolyq aty-jónin suramappyn. Memleket osyndai óz ómirin qaýipke tikken osy jigitti batyrlyǵy úshin marapattaýy kerek-aý. Bólisip, Abylaidy taýyp alaiyqshy», - video avtory áleýmettik jelide Abylaiǵa izdeý salady.
