الماتىدا سۋبۇرقاقتا ويناپ جٷرگەن بالالار مەن ولاردى قۇتقارماق بولعان ەيەلدٸ توق سوقتى.
بۇل تۋرالى قالا تۇرعىنى ٷكٸلاي بەستاي اتتى جەلٸ قولدانۋشى Facebook-تەگٸ پاراقشاسىندا جازدى.
ايتۋىنشا, قاراپايىم فونتاننىڭ ٸشٸنە كٸرگەن ادامداردى توق سوعىپ, جاقىن ماڭداعى ادامدار ولاردى امان الىپ قالعان.
«بٷگٸن ورتالىق تسيرك الدىنداعى فونتان جانىندا بالمۇزداق جەپ, بالالارمەن دەمالىپ وتىرعانبىز. بٸر ۋاقىتتا سول ماڭداعى كٸشكەنتاي 2 قىز اياق كيٸمدەرٸن شەشٸپ, اياقتارىن سۋعا سالماقشى بولىپ وتىرعانىن كٶردٸم. ەپ-سەتتە بايقاماي قالدىم, ەكٸ قىز ورتاداعى تەمٸرگە قادالىپ قالدى. ولاردى شىعارام دەپ اناسى دا سول تەمٸرگە جابىسىپ قالدى. دىبىستارى دا شىقپاي, سەرەيٸپ قالعاندارىنان توق ۇرعانىن ۇقتىم», - دەپ جازدى جەلٸ قولدانۋشى.
ول جانىنداعى ادامداردان كٶمەكتەسۋدٸ سۇراعان. بٸراق كٶبٸ جٷرەكسٸنٸپ, سۋعا جاقىنداماعان. دەگەنمەن ابىلاي ەسٸمدٸ جاس جٸگٸت كٶمەككە كەلٸپ, ونى دا توق سوعىپ جاتسا دا, مويىماي ادامداردى سوڭىنا دەيٸن قۇتقاردى.
زارداپ شەككەندەر جەدەل جەردەممەن اۋرۋحاناعا جەتكٸزٸلگەن.
«ٶزٸمنٸڭ جانىمدا كٸشكەنتاي 5 بالا بار ەدٸ. قاربالاستا ابىلايدىڭ تولىق اتى-جٶنٸن سۇراماپپىن. مەملەكەت وسىنداي ٶز ٶمٸرٸن قاۋٸپكە تٸككەن وسى جٸگٸتتٸ باتىرلىعى ٷشٸن ماراپاتتاۋى كەرەك-اۋ. بٶلٸسٸپ, ابىلايدى تاۋىپ الايىقشى», - ۆيدەو اۆتورى ەلەۋمەتتٸك جەلٸدە ابىلايعا ٸزدەۋ سالادى.
