Foto: Polisia.kz
Almatyda shaǵyn kásipkerlikti damytý úshin sýbsidiia alyp beremiz dep ýáde bergender ustaldy, - dep habarlaidy "Ult aqparat" Polisia.kz saityna silteme jasap.
32 jastaǵy A. esimdi Almaty oblysynyń turǵyny jáne Túrkistan oblysynyń turǵyndary – 23 jastaǵy N. esimdi jáne 28 jastaǵy S. esimdi azamat kúdikti dep tanyldy.
"Bizdiń bólimsheniń kriminaldyq politsiia bólimi qyzmetkerleri birqatar alaiaqtyq jasady degen kúdikpen kúdiktilerdi ustady. Shaǵyn bizneske sýbsidiia alýǵa kómektesemiz degen jeleýmen jastar qyzmetteri úshin aqsha alyp, ýádesinde turmaǵan. Tergeýdiń osy kezeńinde kúdiktilerdiń osyǵan uqsas 12 epizodqa qatysy bar ekeni belgili boldy. Olardyń áreketteri QR QK-niń 190-baby 3-bóligi boiynsha saralanady. Kúdiktiler qamaýǵa alyndy", - dedi, Alataý aýdandyq politsiia basqarmasynyń bastyǵy, politsiia polkovnigi Talǵat Berkinbaev.
Sonymen qatar, tergeý ustalǵandardyń basqa da qylmystyq quqyq buzýshylyqtarǵa qatysy bolýy múmkin ekenin joqqa shyǵarmaidy.
Osyǵan bailanysty, politsiia qyzmetkerleri, kúdiktilerdi tanyǵan jaǵdaida myna telefon nómirlerine habarlaýǵa shaqyrady: 8 (727) 227-55-02 jáne 8-777-235-55-15.
Aita keteiik, QR QPK-niń 201-babyna sáikes ózge aqparattar tergeý múddesine orai jariialaýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
