Foto: 7kun.kz
Almatydaǵy ALT University-de bilim alatyn stýdent oqytýshyǵa pyshaq jaraqatyn saldy. Atalǵan fakti boiynsha quqyq qorǵaý organdary qylmystyq is tirkedi, dep habarlaidy Ult.kz.
Oqiǵaǵa qatysty túsirilgen beinejazba áleýmettik jelilerde taraǵan.
Aldyn ala málimetke sáikes, janjal baǵa máselesine bailanysty týyndaǵany aitylýda. Degenmen, oqý ornynyń ókilderi kúdikti stýdenttiń ózge kafedrada oqitynyn jáne jábirlengen oqytýshynyń oǵan dáris ótkizbegenin málimdedi.
Kúdiktimen birge oqityn stýdentterdiń aitýynsha, jigit buǵan deiin agressiia tanytpaǵan, sabyrly ári tuiyq minezdi bolǵan.
Vedomstvo dereginshe, Almaly aýdandyq politsiia basqarmasy atalǵan oqiǵaǵa bailanysty qylmystyq is qozǵaǵan.
Kúdikti jedel túrde ustalyp, ýaqytsha ustaý izoliatoryna qamaýǵa alyndy. Qazirgi ýaqytta oqiǵanyń barlyq mán-jaiy anyqtalý ústinde.
Oqytýshy aýrýhanada tekserýden ótip, úiine jiberildi — ómirine qaýip joq, jaraqattary jeńil.
