Almatyda belgisiz bireýler jas jigitti aiaýsyz uryp ketken. Onyń týystary kýágerlerdi izdep jatyr, dep habarlaidy QazAqparat.
Soqqyǵa jyǵylǵan jigittiń týystary oqiǵanyń videosyn áleýmettik jelide jariialady.
«Oqiǵa 5 jeltoqsanda keshki saǵat 21: 00-de Alataý «Almaly» turǵyn úi kesheniniń aýlasynda bolǵan. 43 jastaǵy er adam 27 jastaǵy inimdi urdy. Aldymen olar kólik turaǵynda janjaldasqan, keiin er adam baýyrymdy oiyn alańyna aparyp, aiaýsyz soqqyǵa jyqqan. Ol esinen tanyp qalǵan. Er adam jalǵyz bolmaǵan. Qazir baýyrymnyń jaǵdaiy aýyr. Dárigerler bas súiegi synǵanyn, mi kontýziiasyn rastady. Kýágerler izdeimiz», - delingen habarlamada.
Almaty qalalyq politsiia departamentiniń málimetinshe, bul oqiǵa 5 jeltoqsan kúni «Aqbulaq» shaǵyn aýdanynda bolǵan.
«Atalǵan derek QR Qylmystyq kodekstiń 106-baby «Densaýlyqqa qasaqana aýyr ziian keltirý» boiynsha sotqa deiingi tergep-tekserýdiń biryńǵai tiziliminde tirkelgen. Bul qylmysty ashý, onyń mán-jaiyn anyqtaý jáne kinálini jaýapkershilikke tartý maqsatynda Alataý aýdandyq PB janyndaǵy politsiia bóliminde arnaiy jedel tergeý toby quryldy», - dep habarlady politsiiadan.
