Almatyda 73 myńnan astam áiel jatyr moiny qaterli isigine tekserildi, dep habarlaidy "Ult aqparat".
Almaty qalalyq onkologiialyq dispanseri taratqan aqparatqa sáikes, byltyr skriningten ótken áielder arasynda 13-inen qaterli isik, 2122 áielden qaterliligi tómen isik anyqtalǵan. Esepke jatyr moinynyń qaterli isigi diagnozymen 145 áiel alyndy. Olardyń barlyǵy mamandardyń baqylaýynda.
Qalalyq dispanserdiń onkoginekologiia bólimshesiniń meńgerýshisi Raihan Bolatbekovanyń aitýynsha, jatyr moiny qaterli isigin erte bastan anyqtaǵan jaǵdaida tolyq emdep jazýǵa bolady.
«Ókinishke orai, qazir jatyr moiny qaterli isigi áielder arasynda statistika boiynsha kósh bastap tur. Skrining – osy kórsetkishti azaitýdyń basty tetigi. Iaǵni, jatyr moiny epiteliiasyndaǵy ózgeristerdi aldyn ala anyqtap, emdep jazsa, ol jerde qaterli isik damymaidy», - dedi maman.
