Almatylyq politseiler kólik salonynan urlyq jasaǵan kúdiktini ustady, – dep habarlaidy Polisia.kz.
Áýezov aýdanynyń politsiia qyzmetkerleri kólik salonynan urlyq jasady degen kúdikpen 44 jastaǵy A.esimdi azamatty ustady.
"Jedel is-sharalardy júrgizý barysynda kúdiktiniń “qurbanyn” alystan tańdaǵanyn anyqtadyq. Ol onyń ketýin kútip, pýlttiń dabylyn skanerleý arqyly kólikti ashyp, urlyq jasaǵan. Sodan keiin oqiǵa ornynan “izin sýytqan”. Biz qaskóidiń izine túsip, ony ustadyq. Qazirgi ýaqytta kúdikti birneshe urlyq jasaǵanyn moiyndady. Ol ýaqytsha ustaý izoliatoryna qamaldy. Atalǵan derek boiynsha QR QK-niń 188-babyna sáikes sotqa deiingi tergeý amaldary júrgizilýde. Ustalǵan azamattyń buryn jasalǵan osyǵan uqsas qylmystarǵa qatysy bar-joǵy anyqtalyp jatyr", – dedi Áýezov aýdandyq politsiia basqarmasynyń bastyǵy Ulan Ábilqaiyr.
