Almatyda sintetikanyń iri partiiasy tárkilendi, - dep habarlaidy "Ult aqparat" Polisia.kz saityna silteme jasap.
Politsiia qyzmetkerleri turaqty esirtki tasymaldaýshysyn ustady, odan birneshe mekenjaidan sot-himiialyq saraptamanyń qorytyndysy boiynsha 1 keliden asa sintetikalyq a-PVP esirtkisi tárkilengen.
"37 jastaǵy I. esimdi kúdikti azamat úsh mekenjaiǵa betbelgi qoiý barysynda ustaldy. Izolentaǵa oralǵan esirtki zattary birden tárkilendi. Sonymen qatar, kúdiktiniń Tolstoi kóshesindegi jaldamaly páteri de tekserildi. Nátijesinde as úidegi sóreden jasyl jáne aq tústi untaqty zaty bar 40 bailam anyqtaldy. Sondai-aq, zaldan qorap tabyldy, onyń ishinde untaqty zaty bar 331 býma boldy. Samaldyqtan qyzyl, kók, aq jáne jasyl tústi túiirshikter men ishinde untaq túrindegi zaty bar 5 plastik ydys tabyldy. Saraptama bailamdar men ydystarǵa sintetikalyq esirtki oralǵanyn anyqtady", – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Ustalǵan azamattyń áreketi tergeýmen QR QK-niń 297-baby 3-bóligimen saralandy. Ol ÝUI-ǵa qamaýǵa alyndy. Almatyǵa shópti jetkizýdiń naqty arnasy belgili bolady. Qazir kúdikti sintetikalyq esirtkini internet arqyly alǵanyn alǵa tartyp otyr.
