QR Ulttyq qaýipsizdik komitetiniń Almaty qalasy boiynsha departamenti sintetikalyq esirtki óndiretin jasyryn zerthananyń áreketin toqtatty, dep habarlaidy departamenttiń baspasóz qyzmeti.
Baspasóz qyzmetiniń málimetterine qaraǵanda, 2020 jylǵy 4 aqpanda jedel-izdestirý is-sharalaryn iske asyrý barysynda asa iri mólsherde sintetikalyq esirtkini qupiia orynǵa qaldyrý sátinde esirtki zerthanasyn uiymdastyrýǵa jáne onyń jumys isteýine qatysy bar Almaty qalasynyń «A» degen turǵyny ustaldy.
Jedel-tergeý is-sharalaryn júrgizý nátijesinde shamamen 5 kg sintetikalyq esirtki, 1 kg jáne 260 litrge jýyq himiialyq qospa tabylyp, alyndy, olar sot-himiialyq saraptamaǵa joldandy.
Júikege áser etetin daiyn ónim Internet-resýrstar arqyly jáne bailanyssyz tásilmen qupiia orynǵa salý jolymen taratylǵany anyqtaldy.
QR UQK Almaty qalasy boiynsha departamenti osy fakt boiynsha QR QK 297-babynyń 3-bólimine sáikes qylmystyq is qozǵady. Ustalǵan adam tergeý izoliatoryna qamaldy, sotqa deiingi tergep-tekserý jalǵasýda.
Sońǵy ýaqytta Almaty qalasyna sintetikalyq negizdegi esirtkini jasyryn daiyndaý jáne «qara naryqqa» jetkizý faktileriniń ulǵaiýy baiqalatynyn atap ótý qajet.
