Almatydaǵy Shyǵys ainalma avtojolynda essiz kúide tabylǵan balanyń ákesiniń týystary men kórshileri tergeý málimetine senbeitinin aityp, narazylyq tanytty. Osyǵan bailanysty Almaty qalalyq IID ókilderi jariialanǵan videoǵa qatysty pikir bildirdi, - dep habarlaidy Tengrinews.kz tilshisi.
Almaty qalalyq IID resmi ókili Saltanat Ázirbektiń aitýynsha, daý-damai ýaqytyly toqtatylyp, barlyǵy tarap ketti.
"Jaǵdaidy túsinbegen. IID basshylyǵy sonda baryp, narazylyq tanytyp jatqandarǵa bar jaǵdaidy túsindirip berdi. Olar barlyǵyn tyńdap, keiin tarady. Jinalǵandardyń tarapynan eshqandai ereje buzýshylyq bolǵan joq", - dedi Saltanat Ázirbek.
Eske sala keteiik, osyǵan deiin Almatydaǵy Shyǵys ainalma avtojolynda essiz kúide tabylǵan 4 jasar Muhamad Asqaroǵlyny óz ákesi taspen urǵany anyqtalǵan edi. Balanyń ákesi Murat Asqaroǵly bul qylmysty ózi jasaǵanyn moiyndap, mas kúide bolǵanyn aitqan bolatyn.
