Foto: QR MAM
2025 jyldyń 30 sáýirinde QR Ortalyq memlekettik mýzeiinde Shoqan Ýálihanovtyń 190 jyldyǵyna arnalǵan «Shoqany bar eldiń shoqtyǵy biik» atty kórme ashyldy, dep habarlaidy Ult.kz.
Onda ǵalym-entsiklopedistiń ómiri, shyǵarmashylyǵy men ǵylymi zertteýleri týraly materialdar qoiylǵan.
Atap aitsaq, qoljazbalar men eńbekteri, Resei Geografiialyq qoǵamynyń músheligine sailanǵany týraly diplomnyń kóshirmesi, jeke zattary — bórki, myltyqtyń dúmi, Qashǵar ekspeditsiiasynan ákelingen biregei qytai vazasy, joryq torsyǵy, mys kese, zerli beldik jáne basqa da qundy jádigerler bar. Kórmege usynylǵan eksponattar Ortalyq memlekettik mýzei men «Altynemel» memorialdyq mýzeiiniń qorynan alynǵan.
Foto: QR MAM
Kórmede erekshe oryn alǵan sirek jádigerlerdiń qatarynda Shoqan týystarynyń buiymdary da bar. Onyń ishinde qaryndasy Tájibai kigen aqqý qaýyrsynynan tigilgen sirek shapan, Bádúgúl apasynyń beshpenti mnn belgili keńes sýretshisi N. Ia. Tretiakov salǵan Shoqan Ýálihanovtyń portreti bar.
Kórme aiasynda «Shoqannyń ǵylymi murasy» atty dóńgelek ústel ótti. Oǵan belgili tarihshy, filosof, etnograf, geograf jáne mýzeitanýshy ǵalymdar qatysty. Mamandar Sh.Ýálihanovtyń ómiri men shyǵarmashylyǵy týraly baiandamalar jasap, ǵalymnyń ǵylymi murasynyń mańyzy men rólin talqylady.
