Foto: ashyq derekkóz
Almaty qalasynda quqyq qorǵaý organdarynyń, «Qazaqtelekom» AQ men «Ksell» AQ arasyndaǵy ózara is-qimyl týraly memorandým aiasynda sheteldik alaiaqtyq call-ortalyqtyń zańsyz qyzmeti áshkerelendi, dep habarlaidy Ult.kz.
Qala prokýratýrasynyń úilestirýimen Almaty qalasy Politsiia departamentiniń qyzmetkerleri sheteldik azamattar uiymdastyrǵan alaiaqtyq shemanyń jolyn kesti. Tergeý barysynda olardyń Qazaqstan Respýblikasynyń azamattaryn tarta otyryp, telefon arqyly alaiaqtyq jasaǵany anyqtaldy.
Qaskúnemder SIP-nómirlerdi satyp alyp, olardy paidalaný arqyly azamattarǵa myńdaǵan alaiaqtyq qońyraýlar shalyp, aqsha qarajatyn jymqyrýdy kózdegen.
Júrgizilgen jedel-tergeý is-sharalary nátijesinde call-ortalyqtyń jumysyn qamtamasyz etken serverler anyqtalyp, toktan jáne jeliden ajyratyldy. Zańsyz áreketter tolyqtai toqtatyldy.
Qazirgi ýaqytta atalǵan derek boiynsha sotqa deiingi tergep-tekserý jumystary jalǵasyp jatyr.
