Almatyda QR Ulttyq kitaphanasynda rejisser Aleksei Kamenskiidiń «Seraly Qojamqulov» atty derekti filmniń tusaýkeseri ótti, dep habarlaidy "Ult aqparat".
Derekti film XX ǵasyrdyń basynda elimizde tuńǵysh Ultyq teatrdyń negizin salýshylardyń biri Serke Qojamqulovtyń ómiri men shyǵarmashylyǵy týraly baiandaidy. Tabiǵi talantymen sahna ónerin meńgergen óner iesi qazaq kinosynyń akterlik mektebin de qalyptastyrýǵa tikelei aralasqan.
«Serke Kojamqulov – ulttyq kásibi teatr jáne kino óneriniń negizin qalaǵan has sheberlerdiń biri. Asharshylyq pen soǵysty óz kózimen kórgen daryn iesi eshbir qiyndyqtarǵa qaramastan ómiriniń sońyna deiin ónerge adal qyzmet etti», - dedi Qazaqstan kinematografister odaǵynyń tóraǵasy Ermek Tursynov.
Aita ketsek, filmniń tusaýkeserine Serke Qojamqulovtyń qyzdary – Renata, Balym, Máriam jáne Saliha Qojamqulovalar qatysyp, ákeleri týraly estelikterimen bólisti.
«On bir baladan qazir beseýimiz ǵana qaldyq. Ákemiz bilimge qatty kóńil bóletin, sonyń arqasynda búginde árqaisymyz aiaǵymyzǵa nyq turyp, óz ornymyzdy taptyq. Menen basqasy barlyǵy da ata-anamyzdyń jolyn qýyp, óner áleminde qyzmet etip keledi. Osyndai tamasha týyndyny shyǵarǵan «Qazaqfilm» kinostýdiiasyna, kartinanyń túsirý tobyna alǵysymdy bildiremin», - dedi akterdiń qyzy Renata Qojamqulova.
«Qazaqfilm» kinostýdiiasynyń prezidenti Arman Ásenov Serke Qojamqulovtyń jarqyn beinesi men ult ónerine sińirgen eńbegi halyq jadynda máńgi saqtalatynyn aitty.
«Búgingi keshke qatysyp otyrǵanyma óte qýanyshtymyn. Ultymyzdyń birtýar akteri, qaitalanbas tulǵasy Seraǵamyzdyń artynan qalǵan qyzdary búginde elimizdiń mádenietine eleýli úles qosyp júrgen asyl jandar. Biyl aǵamyzdyń bul dúnieden ótkenine 40 jyl bolypty. Seraly aǵamyzdyń jarqyn beinesi men ult ónerine sińirgen eńbegi halyq jadynda máńgi saqtalatynyna senimdimin», - dedi «Qazaqfilm» kinostýdiiasynyń prezidenti Arman Ásenov.
«Qazaq Renessansy» tsikly boiynsha túsirilgen kinotýyndyny QR mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» AQ túsirdi.
