Almaty qalalyq Tótenshe jaǵdailar departamenti bastyǵynyń orynbasary Arman Baigelov megopoliste sáýir aiynda aýa raiy qandai bolatynyn aitty, dep habarlaidy "Ult aqparat".
«Aǵymdaǵy jyldyń sáýir aiynda Almatyda aýa temperatýrasy +12 gradýs bolady degen boljam bar, bul normadan 1 gradýsqa joǵary. Jaýyn-shashyn bir aida normadan 105 millimetr asady», – dedi Almaty qalasy TJD bastyǵynyń orynbasary Arman Baigelov onlain-brifing barysynda.
Sondai– aq, ol qala aýmaǵynda sý basý qaýpi bar 26 ýchaske baqylaýǵa alynǵanyn aitty. Onyń ishinde 9 ýchaskedegi qaýip-qater joiyldy. Bul jumystarǵa jalpy somasy 1 mlrd teńge jumsalǵan.
«Biyl qalǵan 17 ýchaske boiynsha jobalyq-smetalyq qujattama ázirlenip, ony iske asyrý jumystaryn qolǵa alamyz», – deidi ol.
Úsh jylda qalada 381 shaqyrym aryq jelileri salyndy. 40 shaqyrym ózen arnalary nyǵaityldy. Bul jumystar sý tasqynyn úsh esege azaitýǵa múmkindik berdi.
