الماتى قالالىق تٶتەنشە جاعدايلار دەپارتامەنتٸ باستىعىنىڭ ورىنباسارى ارمان بايگەلوۆ مەگوپوليستە سەۋٸر ايىندا اۋا رايى قانداي بولاتىنىن ايتتى, دەپ حابارلايدى "ۇلت اقپارات".
«اعىمداعى جىلدىڭ سەۋٸر ايىندا الماتىدا اۋا تەمپەراتۋراسى +12 گرادۋس بولادى دەگەن بولجام بار, بۇل نورمادان 1 گرادۋسقا جوعارى. جاۋىن-شاشىن بٸر ايدا نورمادان 105 ميلليمەتر اسادى», – دەدٸ الماتى قالاسى تجد باستىعىنىڭ ورىنباسارى ارمان بايگەلوۆ ونلاين-بريفينگ بارىسىندا.
سونداي– اق, ول قالا اۋماعىندا سۋ باسۋ قاۋپٸ بار 26 ۋچاسكە باقىلاۋعا الىنعانىن ايتتى. ونىڭ ٸشٸندە 9 ۋچاسكەدەگٸ قاۋٸپ-قاتەر جويىلدى. بۇل جۇمىستارعا جالپى سوماسى 1 ملرد تەڭگە جۇمسالعان.
«بيىل قالعان 17 ۋچاسكە بويىنشا جوبالىق-سمەتالىق قۇجاتتاما ەزٸرلەنٸپ, ونى ٸسكە اسىرۋ جۇمىستارىن قولعا الامىز», – دەيدٸ ول.
ٷش جىلدا قالادا 381 شاقىرىم ارىق جەلٸلەرٸ سالىندى. 40 شاقىرىم ٶزەن ارنالارى نىعايتىلدى. بۇل جۇمىستار سۋ تاسقىنىن ٷش ەسەگە ازايتۋعا مٷمكٸندٸك بەردٸ.
