Almatyda saýda, oiyn-saýyq ortalyqtary jeksenbi kúnderi de jumys isteitin boldy. Bul týraly qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Jandarbek Bekshin aitty, dep habarlaidy "Ult aqparat".
«Qazir QR bas sanitarlyq dárigeriniń qaýlysymen saýda, oiyn-saýyq ortalyqtarynyń jumysy reglamenttelmeidi. Eger buǵan deiin olar senbi, jeksenbi kúnderi jumys istemese, endi olarǵa jumys isteýge ruqsat berildi. Biraq saýda ortalyqtarynyń jumysy 1 saǵatqa qysqardy», - dep habarlaidy QazAqparat tilshisi.
Buǵan deiin Jandarbek Bekshin jańa qaýlyǵa qol qoiǵan bolatyn. Qujatqa sáikes endi saýda, oiyn-saýyq ortalyqtary kelýshiler sany 30%-dan aspasa, 1 kelýshige 4 sharshy metr aýmaq qarastyrylǵan jaǵdaida túngi 22:00-ge deiin ashyq bolady.
Osy ortalyqtarda jekelegen alańdarda ornalasqan qoǵamdyq tamaqtaný oryndary da sol ýaqytqa deiin ashyq bolady.
