Qarjylyq monitoring agenttigi reiderlik tárkileýmen ainalysqan bir top adamdy anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
QMA málimetinshe, 14 shildede QR QPK 128-babyna sáikes qylmystyq is-áreket epizodtarynyń biri boiynsha ustalyp, ýaqytsha ustaý izoliatoryna kelesi azamattar qamalǵan:
- Tanashev Timýr Serjanuly, 1983 jyly týǵan;
- Babaev Raýan Timýruly, 1992 jyly týǵan;
- Altybasarov Ańsar Muratuly, 1990 jyly týǵan;
- Abijanov Dastan Mádiuly, 1977 jyly týǵan.
"15 shildede osy tulǵalarǵa qatysty Almaty qalasy mamandandyrylǵan tergeý sotynyń qaýlysy boiynsha, 2 ai merzimge qamaýǵa alý túrindegi bultartpaý sharasy sanktsiialandy. Sonymen qatar, sot Eldos Qospaevqa izdeý jariialap, qamaýǵa alý týraly bultartpaý sharasyn tańdady. Al, Aidos Qospaev men Rýslan Shalin kúdikti dep tanyldy", - delingen habarlamada.
QMA osy tulǵarardyń zańsyz áreketterinen zardap shekkender bolsa, Qarjylyq monitoring agenttiginiń senim telefondaryna nemese aýmaqtyq ekonomikalyq tergeý basqarmalaryna habarlasýdy suraidy.
