قارجىلىق مونيتورينگ اگەنتتٸگٸ رەيدەرلٸك تەركٸلەۋمەن اينالىسقان بٸر توپ ادامدى انىقتادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قما مەلٸمەتٸنشە, 14 شٸلدەدە قر قپك 128-بابىنا سەيكەس قىلمىستىق ٸس-ەرەكەت ەپيزودتارىنىڭ بٸرٸ بويىنشا ۇستالىپ, ۋاقىتشا ۇستاۋ يزولياتورىنا كەلەسٸ ازاماتتار قامالعان:
- تاناشەۆ تيمۋر سەرجانۇلى, 1983 جىلى تۋعان;
- باباەۆ راۋان تيمۋرۇلى, 1992 جىلى تۋعان;
- التىباساروۆ اڭسار مۇراتۇلى, 1990 جىلى تۋعان;
- ابيجانوۆ داستان مەديۇلى, 1977 جىلى تۋعان.
"15 شٸلدەدە وسى تۇلعالارعا قاتىستى الماتى قالاسى مامانداندىرىلعان تەرگەۋ سوتىنىڭ قاۋلىسى بويىنشا, 2 اي مەرزٸمگە قاماۋعا الۋ تٷرٸندەگٸ بۇلتارتپاۋ شاراسى سانكتسييالاندى. سونىمەن قاتار, سوت ەلدوس قوسپاەۆقا ٸزدەۋ جارييالاپ, قاماۋعا الۋ تۋرالى بۇلتارتپاۋ شاراسىن تاڭدادى. ال, ايدوس قوسپاەۆ مەن رۋسلان شالين كٷدٸكتٸ دەپ تانىلدى", - دەلٸنگەن حابارلامادا.
قما وسى تۇلعاراردىڭ زاڭسىز ەرەكەتتەرٸنەن زارداپ شەككەندەر بولسا, قارجىلىق مونيتورينگ اگەنتتٸگٸنٸڭ سەنٸم تەلەفوندارىنا نەمەسە اۋماقتىق ەكونوميكالىق تەرگەۋ باسقارمالارىنا حابارلاسۋدى سۇرايدى.
