Almatyda koronavirýsqa qarsy jappai revaktsinatsiia qarasha aiynyń sońynda bastalady. Bul týraly Ortalyq qalalyq klinikalyq aýrýhana direktorynyń orynbasary Elvira Ibragimova brifing barysynda málim etti, dep habarlaidy QazAqparat.
Spikerdiń sózinshe, qazir qalada reseilik «Sputnik V», qazaqstandyq «QazVac» jáne qytailyq «Vero Cell» vaktsinalarymen turǵyndardy qaita vaktsinatsiialaý jospary tur.
«Bizde vaktsina jetkilikti, revaktsinatsiia qarashanyń úshinshi onkúndiginde bastalady. Revaktsinatsiia degenimiz - adamdardyń ekpeniń birinshi jáne ekinshi bóliginen keiin alatyn dozasy. Iaǵni, siz alǵashqy eki dozany alasyz, sodan keiin úshinshi - kúsheitkish dozasy salynady. Buny revaktsinatsiia dep ataimyz», - dedi Elvira Ibragimova.
