Búgin Qazaqstanda atom elektr stantsiiasyn salý máselesi boiynsha respýblikalyq referendým ótýde. Eske salsaq, 12 mln-nan astam qazaqstandyq daýys berýge quqyly. Daýys berý úshin barlyǵy 10 323 ýchaske ashyldy, onyń ishinde 74 ýchaske – álemniń 59 elindegi sheteldik mekemelerdiń janynan.
Almatyda 624 sailaý ýchaskesi jumys isteidi.
Qalada alǵashqylardyń biri bolyp megapolis ákimi Erbolat Dosaev jubaiymen birge daýys berdi. Olar № 48 mektep-litseiinde ornalasqan № 388 sailaý ýchaskesine keldi.
Referendýmdy aty ańyzǵa ainalǵan opera ánshisi, Memlekettik syilyqtyń laýreaty Bibigúl Tólegenova da qoldady. №559 sailaý ýchaskesiniń ókilderi onyń turǵylyqty jerine biýlletenderge arnalǵan tasymaldanatyn ýrnany apardy.
Halyq ártisi bul oqiǵanyń el úshin mańyzdylyǵyn atap ótti. Onyń aitýynsha, referendýmǵa qatysý-árbir azamattyń Qazaqstannyń bolashaǵy úshin jaýapkershiligi.
«Mundai sheshimder muqiiat oilastyrýdy qajet etedi, óitkeni olar eldegi qazirgi jaǵdaiǵa ǵana emes, keler urpaqtyń bolashaǵyna da áser etedi. Men memleket úshin osy mańyzdy máselede óz daýysymdy bergenimdi maqtan tutamyn», - dep atap ótti Bibigúl Ahmetqyzy.
Referendýmǵa Qazaqstannyń halyq ártisi, teatr ári kino akteri jáne rejisseri Asanáli Áshimov te qatysty.
Qazaq kinosynyń ańyzyna ainalǵan ol jubaiymen birge B. Momyshuly atyndaǵy №131 mektep-litseiinde ornalasqan № 382 sailaý ýchaskesinde daýys berdi.
Otandyq óner jas býynynyń ókili-mýzykalyq prodiýser, «101» tobynyń eks-solisi Ivan Breýsov tańerteń belsendilik tanytqan sailaýshylardyń qatarynda boldy. Ol № 125 sailaý ýchaskesi ornalasqan A. Baitursynov atyndaǵy № 139 mektep-gimnaziiasynda daýys berdi.
«Barlyǵyn da daýys berýge shaqyramyn, óitkeni demokratiialyq memlekette ár azamattyń daýysyn eskerý óte mańyzdy», – dedi Ivan Breýsov biýlletendi ýrnaǵa salǵannan soń.
Megapoliste alǵashqylardyń biri bolyp Almaty mýzykalyq kolledjiniń №64 ýchaskesinde daýys bergen qoǵam qairatkeri Asyly Osman da óziniń sailaý quqyǵyn paidalandy.
Bokstan Parijdegi HHH jazǵy Olimpiada oiyndarynyń qola júldegeri Nazym Qyzaibai da referendýmǵa qatysty.
Ataqty sportshy óziniń azamattyq boryshyn alǵashqylardyń biri bolyp oryndap, ózgelerdi úlgi alýǵa shaqyrdy.
«Barlyq qazaqstandyqtar óz tańdaýyn jeke senimderine qarai jasaýy kerek dep sanaimyn. Árbir daýys mańyzdy, bizdiń otandastarymyz bul máselede belsendi bolatynyna senimdimin», - dep atap ótti Nazym Qyzaibai.
Almatyda «Qazaqstan arýy – 2023» sulýlyq baiqaýynyń qatysýshylary Sabina Ydyrysova, «Álem arýy Qazaqstan arýy-2023» Madina Almýhanova jáne «Almaty arýy-2024» Eldana Saýranbaeva sailaý ýchaskelerine ár berdi.
Qyzdar tájderimen, lentalarymen keldi. Olar referendým ótkizýdiń mańyzdylyǵyn atap ótip, óz ustanymdaryn bildirý azamattyq jaýapkershiliktiń mańyzdy aspektisi ekenin atap ótti.
Almatyda ótken daýys berýge jubailyq ómirdiń 50 jyldyǵyn atap ótetin jup ta qatysty.
Búgin jubailyq ómirderiniń Altyn toiyn atap ótip jatqan Nurǵali Qanaev pen Orynsha Berdenova Jetisý aýdanyndaǵy №349 ýchaskede sailaý quqyǵyn paidalandy. Mereitoilar nemereleriniń bolashaǵyn eldiń jan-jaqty turaqtylyǵymen bailanystyrady.
Daýys berýge Uly Otan soǵysynyń ardagerleri de qatysty. Olardyń arasynda úiinde daýys bergen júz jasqa kelgen maidanger Viktor Iziýmnikov bar.
Viktor Karpovichtiń aitýynsha, azamattyq boryshyn oryndaý-abyroily is.
«Men júz jasqa keldim, ǵasyrlyq ǵumyrymda kóp nárseni bastan ótkerdim. Árine, men jastardyń taǵdyryna bei - jai qaramaimyn, sondyqtan referendýmǵa qatysyp, barlyǵyn azamattyq jaýapkershilikti kórsetýge shaqyramyn», - dedi ardager.
Viktor Iziýmnikov II dárejeli Uly Otan soǵysy ordeniniń jáne «Jaýyngerlik eńbegi úshin» medaliniń iegeri.
UOS-nyń taǵy bir ardageri, 97 jastaǵy Ilia Grigorevich Kýdin óziniń egde jasyna qaramastan Jetisý aýdanyndaǵy №351 ýchaskege ózi keldi.
Almatylyq Merýert Qulahmetova referendýmǵa qatysý úshin invataksi qyzmetin paidalandy.
Megapolistiń № 173 mektep-litseiinde ornalasqan №585 sailaý ýchaskesinde almatylyqtardy boilary eki metrlik batyrlar qarsy aldy.
Jalpy, keibir ýchaskelerde kezekter boldy – el úshin mańyzdy sheshim-atom elektr stantsiiasyn salý úshinóz daýystaryn berýge daiyn adamdar tym kóp boldy.
Eske salsaq, Almaty turǵyndary turǵylyqty jeri boiynsha sailaý ýchaskelerinde saǵat 20.00-ge deiin daýys bere alady.
