Almatyda psiholog Svetlana Bojkony soqqyǵa jyqqan er adam 3 jylǵa sottaldy, dep habarlaidy "Ult aqparat".
Almaty qalasynyń Túrksib aýdandyq sotynda QR Qylmystyq kodekstiń 293-baby 3-bóliginiń 2-tarmaǵy (buzaqylyq) jáne 107-baptyń 2-bóligi 5-tarmaǵymen (densaýlyqqa qasaqana aýyrlyǵy ortasha ziian keltirý) M.Sabyrbaevqa qatysty qylmystyq is qaraldy.
Eske salaiyq, byltyr 20 shilde kúni psiholog Svetlana Bojko soqqyǵa jyǵylyp, eki ret operatsiia jasalǵan bolatyn. Tamyz aiynda kúdikti retinde 91 jylǵy er adam ustaldy.
«Sot úkimimen Sabyrbaev densaýlyqqa qasaqana aýyrlyǵy ortasha ziian keltirgeni úshin kináli dep tanylyp, ol 3 jyl bas bostandyǵynan aiyryldy. Sottalýshy jazasyn qylmystyq atqarý júiesiniń ortasha qaýipsizdik mekemesinde ótkizedi»,– delingen Almaty qalalyq sot taratqan habarlamada.
Aita keterligi, materialdyq jáne moraldyq zalaldy óndirý týraly jábirlenýshiniń shaǵymy jartylai qanaǵattandyrylyp, 2 mln teńge moraldyq zalal óndirildi.
Sot úkimi zańdy kúshine engen joq.
