Almatyda Túrksib aýdandyq politsiia basqarmasy bastyǵynyń orynbasary, politsiia polkovnigi Tańat Nazanov qaitys boldy, dep habarlaidy QazAqparat.
Qaraly habardy Almaty qalalyq politsiia departamenti rastady.
«Búgin 10 qańtarda saǵat 11:00-de Túrksib aýdanydyq politsiia basqarmasy bastyǵynyń orynbasary politsiia polkovnigi Nazanov Tańat Janbaiuly jumys ornynda jedel járdem kelgenge deiin kenetten qaitys boldy. Ólimge júrek talmasy sebep boldy», - dep habarlady departamentten.
Ókinishke qarai, bul kúnderi qoǵamdyq tártipti saqtaý jáne eldiń konstitýtsiialyq qurylysyn qorǵaý kezinde 16 politsiia qyzmetkeri qylmyskerdiń qolynan qaza taýyp, 1300-den astam saqshy men Ulttyq ulan, Qorǵanys ministrliginiń, sondai-aq, arnaiy organdardyń áskeri qyzmetshileri jaraqat aldy.
