Almaty politsiiasy kólikti aidap áketip, baǵanaǵa soǵylyp qalǵan avtourylady quryqtady.
Qalalyq IID málimetinshe, tańǵy saǵat tórt kezinde "102" nómirine Jumaliev jáne Qarasai batyr kósheleriniń qiylysyndaǵy úilerdiń aýlasynda kólikterdi torýyldap júrgen kúdikti tulǵalar týraly habar túsedi.
Olar Mitsubishi Galant kóligin aidap áketken. Patýrldik politsiia urylardyń sońynan qýyp, birneshe jasaq joldy bógeidi.
"Seifýllin dańǵyly men Maqataev kóshesiniń qiylysynda, kólik júrgizýshi rólge ie bola almai, baǵanaǵa soǵyldy. Eki kúdikti de ustaldy", — dep málimet berdi Almaly aýdany IIB basshysy Daniiar Meńdebaev.
Kúdiktiler Shyǵys Qazaqstan oblysynyń týmalary bolyp shyqty. Tártip saqshylary anyqtaǵandai, urylar Mitsubishi Galant kóligin Alataý aýdanynan aidap áketken.
Kúdiktiler jalǵan memlekettik nómirler taǵyp, kólik urlaýmen ainalysýdy josparlaǵan eken. Qazir olardyń basqa qylmystarǵa qatysy bary anyqtalyp jatyr, deidi Meńdebaev.
Budan buryn BAQ oqiǵa kýágerlerine silteme jasap habarlaǵandai, shildeniń 24-inen 25-ine qaraǵan túni Maqataev pen Seifýllin kósheleriniń qiylysynda atylǵan oq úni estilipti.
