Foto: Videodan kadr
Almatydaǵy páterlerdiń biriniń iesi jan túrshigerlik jaǵdaiǵa tap boldy: turǵyn úidiń ishi qanǵa boialǵan — edende, qabyrǵalarda jáne turmystyq tehnikada qan izderi bolǵan. Alǵashynda er adam klining qyzmetin shaqyrǵan, alaida qyzmetkerler jaǵdaidy kórgen soń politsiiaǵa habarlasqan. Keiin oqiǵa ornyna jedel járdem brigadasy da jetken, dep habarlaidy «NewTimes.kz» aqparat agenttigine silteme jasap Ult.kz. Páterden túsirilgen video áleýmettik jelilerde taralyp, qoldanýshylar bul jerde qylmys bolýy múmkin degen boljam aitqan.
Alaida Almaty qalalyq politsiia departamenti bul aqparatty joqqa shyǵardy.
Politsiianyń málimetinshe, oqiǵa keshe Bostandyq aýdanyndaǵy páterlerdiń birinde bolǵan. Páterde spirttik ishimdik ishý barysynda eki apaly-sińlili bolǵan. Solardyń biri abaisyzda synǵan shyny bótelkege aiaǵyn kesip alǵan. Páterde qannyń kóp bolýy dál osy jaraqatpen bailanysty.
Politsiia ókilderi aýyr nemese asa aýyr qylmys jasaldy degen aqparattyń shyndyqqa janaspaitynyn atap ótti. Oqiǵaǵa qatysýshylarmen profilaktikalyq túsindirý jumystary júrgizilip, jaǵdai profilaktikalyq baqylaýǵa alynǵan.
Quqyq qorǵaý organdary azamattardy tekserilmegen aqparatty taratpaýǵa jáne tek resmi málimetterge súienýge shaqyrdy.
