Almatyda páter urylary qylmys ústinde ustaldy, - dep habarlaidy Polisia.kz.
Qulyptar, noýtbýktar, kiltter - munyń bári seriialyq páter urylarynan tárkilengen.
Naýryzbai aýdany politseileriniń málimetinshe, 4 adamnan quralǵan top qalada keminde 5 urlyq jasaǵan.
"Qylmystyq tórttikte barlyq rólder aldyn ala bólingen. Úsh oryndaýshy: bireýi syrtta turdy, ekeýi bóten bireýlerdiń páterinde ielik etip júrdi. Eń úlkeni – Qostanai oblysynyń týmasy, 53 jastaǵy G.esimdi azamat, qylmystyq toptyń qalǵan músheleri – 30 jasta, 34 jasta jáne 41 jasta. Olar da - basqa jaqtan kelgender. Ustaýdy bizdiń bólimshe qyzmetkerleri qalalyq Kriminaldyq politsiia basqarmasyndaǵy áriptesterimen jáne politsiianyń arnaiy jasaqtarynyń kómegimen júzege asyrdy.
Qylmys jasaý tizbegi standartty boldy. Olar kireberiske kirip, esik qońyraýyn basty, eger eshkim ashpasa jáne esiktiń arǵy jaǵy tynysh bolsa, olar kireberis esiktiń qulpyn ashqan. Esik qulyptaryn ashý úshin qaskóilerde arnaiy qurylǵylar boldy: ártúrli ólshemdegi basty kiltter, kiltter, imitatorlar. Munyń bári qoraptarǵa salynǵan. Syrttaǵylarmen bailanysý úshin eki túimeli telefon boldy. Qazirgi ýaqytta kúdiktilerdiń qalanyń ártúrli aýdanynda oryn alǵan 5 epizodqa qatysy bar ekendigi anyqtaldy. Sońǵy derek Shuǵyla shaǵyn aýdanyndaǵy úilerdiń birinde tirkelgen. Kiltti tańdaý arqyly kúdiktiler páterge kirgen jáne jeke múlikti urlap ketken.
Kúdiktiler oqiǵa ornynda ustaldy", - deidi Naýryzbai aýdandyq Politsiia basqarmasynyń basshysy Daniiar Meńdebaev.
Ustalǵandardyń úsheýi buryn sotty bolǵan jáne urlyq jasaǵany úshin jazasyn ótegen. Olar ýaqytsha ustaý izoliatoryna qamaldy. Sotaldy tergeý QR QK-niń 188-baby 3-bóligi boiynsha júrgizilip jatyr.
