Almatyda páter qojaiynyn óltirgen 30 jastaǵy áiel jantúrshigerlik qylmystyń izin joiý úshin, ózine qol salǵysy kelgen, dep habarlaidy QazAqparat tilshisi. Bul týraly qalalyq IID resmi ókili Saltanat Ázirbek aitty.
Qaiǵyly jaǵdai bolǵan №11 shaǵyn aýdannyń turǵyndary oqiǵa týraly aityp berdi.
Kórshileriniń aitýynsha, 4 bólmeli páterdi 6 qyz jaldap turǵan.
Olardyń biri, basty kúdikti Ońtústik Qazaqstan oblysynan kelgen áiel páter iesimen sózge kelip qalǵan.
«Bul áiel azyq-túlik dúkeninde satýshy bolyp jumys jasaǵan. Olar bári syrttan kelgender. Urys-tóbeles bolmaityn, araq ishpeitin. Adamdy óltirgen soń qan-qan kiimderdi kirjýǵyshqa salyp jýyp tastamaq bolǵan. Osy sátte úige páter iesiniń uly kóterilgen. Áiel ony da óltirmek bolǵan. Biraq jigit qashyp shyǵyp, syrttan kómek surap úlgergen. Politsiia shaqyrǵan. Kúdikti áiel asúidegi shúberekke asylyp ólgisi kelgen», - dedi qaza bolǵan áieldiń kórshileri.
Qalalyq IID habarlaǵandai, páter iesin bir áiel óltirgen. Kúdikti birden ustaldy. Politsiia kúdiktiniń ózine qol salǵysy kelgenin rastady.
«Ol ózine qol salmaq boldy. Biraq, politsiia aldyn alyp úlgerdi. Qazirgi tańda kúdikti qamaýda otyr. Atalǵan derekke bailanysty birqatar sot-meditsinalyq saraptama taǵaiyndaldy», - dedi qalalyq IID.
Eske sala keteiik, tanymal akter Rahman Omarovtyń birinshi áielin páter jaldaǵandar óltirgeni týraly keshe habarlaǵan bolatynbyz.
