Almatyda ózine qol jumsap mert bolǵan jas jigittiń denesi tabyldy, dep habarlaidy QazAqparat.
Almaty qalasy politsiia departamenti baspasóz qyzmetiniń málimetine sáikes, búgin keshki 18.00-der shamasynda asylyp ólgen jas adamnyń denesi Áýezov aýdanyndaǵy turǵyn úi keshenderiniń birinen tabylǵan.
«2004 jyly týǵan azamat S. esimdi azamattyń máiiti tabyldy. Sot-meditsinalyq saraptama taǵaiyndaldy. Onyń sebebi men mán-jaiy QR Qylmystyq kodeksiniń 105-baby (ózin-ózi óltirýge deiin jetkizý) boiynsha bastalǵan tergeý barysynda anyqtalady», - dedi Áýezov aýdandyq politsiia basqarmasynyń bastyǵy, politsiia podpolkovnigi Ulan Ábilqaiyr.
