Almatydaǵy Nazarbaev Ziiatkerlik mektepterinde mert bolǵan segizinshi synyp oqýshysynyń ata-anasy mektep basshylyǵyna, kýrator men psihologqa eshqandai shaǵymdary joq ekenin málimdedi, dep habarlaidy QazAqparat.
Bilim berý mekemesi ókilderiniń atap ótkenindei, segizinshi synyp oqýshysynyń ákesi Almaty qalasyndaǵy himiia-biologiia baǵytyndaǵy Nazarbaev Ziiatkerlik mektebiniń basshylyǵyna ótinish bildirip, otbasynda bolǵan qaiǵyly jaǵdaiǵa, týystary men jaqyndarynyń sezimderine, balany eske alýǵa túsinistikpen qaraýdy suraidy.
«Meniń ulymnyń esimin atai bermeýdi jáne iýbka kiiýdi nasihattaityn kez - kelgen is-sharalardy, aktsiialardy jáne áleýmettik jelilerdegi jariialanymdardy toqtatýyńyzdy suraimyn», - dep jazdy oqýshynyń ákesi.
Otbasy sonymen qatar oqýshyǵa qysym jasaý jáne onyń psihologiialyq problemalary týraly barlyq boljamdar men aiyptaýlar shyndyqqa janaspaitynyn, oqýshynyń ata-anasy mektep basshylyǵyna, kýrator men psihologqa qatysty shaǵymdary joq ekenin aitty. Qazirgi ýaqytta qaiǵyly oqiǵa boiynsha tergeý júrip jatyr.
Aita keteiik, 27 qazanda sabaqtan tys ýaqytta Nazarbaev Ziiatkerlik mektebiniń segizinshi synyp oqýshysyna qatysty qaiǵyly jaǵdai boldy.
Bostandyq aýdandyq politsiia basqarmasy isti QR QK-niń 105-baby «Óz-ózine qol jumsaýǵa jetkizý» boiynsha sotqa deiingi tergep-tekserýdiń biryńǵai tizilimine tirkedi.
