الماتىداعى نازارباەۆ زيياتكەرلٸك مەكتەپتەرٸندە مەرت بولعان سەگٸزٸنشٸ سىنىپ وقۋشىسىنىڭ اتا-اناسى مەكتەپ باسشىلىعىنا, كۋراتور مەن پسيحولوگقا ەشقانداي شاعىمدارى جوق ەكەنٸن مەلٸمدەدٸ, دەپ حابارلايدى قازاقپارات.
بٸلٸم بەرۋ مەكەمەسٸ ٶكٸلدەرٸنٸڭ اتاپ ٶتكەنٸندەي, سەگٸزٸنشٸ سىنىپ وقۋشىسىنىڭ ەكەسٸ الماتى قالاسىنداعى حيمييا-بيولوگييا باعىتىنداعى نازارباەۆ زيياتكەرلٸك مەكتەبٸنٸڭ باسشىلىعىنا ٶتٸنٸش بٸلدٸرٸپ, وتباسىندا بولعان قايعىلى جاعدايعا, تۋىستارى مەن جاقىندارىنىڭ سەزٸمدەرٸنە, بالانى ەسكە الۋعا تٷسٸنٸستٸكپەن قاراۋدى سۇرايدى.
«مەنٸڭ ۇلىمنىڭ ەسٸمٸن اتاي بەرمەۋدٸ جەنە يۋبكا كييۋدٸ ناسيحاتتايتىن كەز - كەلگەن ٸس-شارالاردى, اكتسييالاردى جەنە ەلەۋمەتتٸك جەلٸلەردەگٸ جارييالانىمداردى توقتاتۋىڭىزدى سۇرايمىن», - دەپ جازدى وقۋشىنىڭ ەكەسٸ.
وتباسى سونىمەن قاتار وقۋشىعا قىسىم جاساۋ جەنە ونىڭ پسيحولوگييالىق پروبلەمالارى تۋرالى بارلىق بولجامدار مەن ايىپتاۋلار شىندىققا جاناسپايتىنىن, وقۋشىنىڭ اتا-اناسى مەكتەپ باسشىلىعىنا, كۋراتور مەن پسيحولوگقا قاتىستى شاعىمدارى جوق ەكەنٸن ايتتى. قازٸرگٸ ۋاقىتتا قايعىلى وقيعا بويىنشا تەرگەۋ جٷرٸپ جاتىر.
ايتا كەتەيٸك, 27 قازاندا ساباقتان تىس ۋاقىتتا نازارباەۆ زيياتكەرلٸك مەكتەبٸنٸڭ سەگٸزٸنشٸ سىنىپ وقۋشىسىنا قاتىستى قايعىلى جاعداي بولدى.
بوستاندىق اۋداندىق پوليتسييا باسقارماسى ٸستٸ قر قك-نٸڭ 105-بابى «ٶز-ٶزٸنە قول جۇمساۋعا جەتكٸزۋ» بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەدٸ.
