Almatyda ózin sybailas jemqorlyqqa qarsy qyzmettiń qyzmetkerimin dep tanystyryp, eldi aldaǵan alaiaq ustaldy, dep habarlaidy "Ult aqparat".
2020 jyldyń sońynda ózin sybailas jemqorlyqqa qarsy qyzmettiń qyzmetkeri retinde tanystyryp, adamdardyń senimine kirgen.
Ol jerge ornalastyrý jobasyna ruqsat alyp beremin dep adamdardan 2000 AQSh dollaryn alǵan.
«Sosyn qylmystyq is boiynsha jazany jeńildetý úshin Almaty qalasynyń prokýratýrasy men sotynyń laýazymdy tulǵalaryna 5 mln teńge kóleminde qarajat jiberemin dep aldaǵan. Almaty qalasynyń Sybailas jemqorlyqqa qarsy qyzmeti osy is boiynsha sotqa deiingi tergeý júrgizdi», - dedi qalalyq Sybailas jemqorlyqqa qarsy qyzmettiń baspasóz qyzmetinen.
Sot kúdiktini qamaýǵa alý týraly bultartpaý sharasyn sanktsiialady.
Kúdiktiniń aiybyna qatysty túpkilikti sheshimdi sot shyǵarady.
