Almaty turǵynynyń kóligin órtep jibergen azamat ustaldy. Ol anonimdi tapsyrys berýshiniń aitqanyn aqsha úshin oryndaǵanyn moiyndady, dep habarlaidy "Ult aqparat" Polisia.kz aqparattyq media-portalyna silteme jasap.
"Bótenniń múlkin qasaqana joiý deregine qatysty qylmystyq is tergelip jatyr. Qazirgi ýaqytta qylmysqa qatysy bar basqa adamdardyń jáne tapsyrys berýshiniń jeke basyn, sonymen qatar onyń sebebin anyqtaýǵa baǵyttalǵan jedel-tergeý sharalary júrgizilip jatyr. Saraptama taǵaiyndaldy. Kúdikti ýaqytsha ustaý izoliatoryna qamaldy", – dedi Áýezov aýdandyq politsiia basqarmasynyń bastyǵy Ulan Ábilqaiyr.
QR QK-niń 201-babyna sáikes ózge aqparat tergeý múddesine orai jariia etilmeidi.
Aita keteiik, QR Konstitýtsiiasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
